හංස ගීතයට පෙර සහෘදයන් වෙත

ගේබ්රියල් ගාර්ශියා මාර්ක්වේස් Gabriel García Márquez නොබෙල් සම්මාන ලාභී සම්භාවනීය කොලොම්බියානු සාහිත්‍යධරයෙක්.ඔහු මිය යන්නේ 2014 අප්රේල් 17, (වයස අවුරුදු 87) දීමෙක්සිකෝ සිටි නගරයේ, මෙක්සිකෝවේදී . ඔහු මරණාසන්නව පිළිකා රෝගයෙන් පෙළෙමින් සිටින විට ,ජීවිතයෙන් සමුගැනීමට සුදානම්ව අවසන් හෝරාවේ දැක්වූ අදහස් නිර්මාණ කරුවෙකුගේ මානව ගුණයෙහි අපුර්ව පිලිබිඹුවකි.

එම් ඩී මහින්දපාල සිනමාකරුවා මෙම ලිපිය සිය සිනමාව මාධ්‍ය හා කලාව කෘතියේහි අවසන් පරිචේදයෙහි අපුර්ව ලෙස සටහන් තබා තිබේ.මේ එහි උපුටනයකි.

මා දැනට පත්වී සිටින්නා වූ මෙම දුඛ්‍යය දායක තත්වය සර්ව බලදාරී දෙවියන් වහන්සේ විසින් මොහොතකට වෙනස් කොට ජීවත්වීම මා හට තවත් සුළු කාලයක් ලබා දෙන්නේනම් එකී සුළු කාලය මට හැකි පමණ උසස් ආකාරයෙන් ගත කිරීමට මම සපුරා පොරොන්දු වෙමි.

සෑම දෙයක් පිළිබදවම මම දැනට වඩා කල්පනාකාරී වෙමි .එසේම සෑමදෙයකම ඇති භෞතික වටිනාකම් වලට වඩා ඒවායේ නෙෙසර්ගික ගුණාංග හා ඒවා තුලින් ප්‍රකාශ කරන්නාවූ සත්‍යයන් වටහා ගැනීමට මම වැඩියෙන් උනන්දුවක් දක්වමි.

නින්දට ගතවන කාලය අවම කොට සිහින දකින කාලය වැඩි කර ගනිමි .අප දෑස් පියා ගන්නා සෑම තප්පරයක්ම අපතේ යන කාලයක් යැයි දැන් මට සිතේ.එක් ඇසිපිය හෙලීමක් ම තප්පර කිහිපයකින් ආලෝකය මග හැරීමකි.

අන් අය නැවතී සිටින විට මම ඇවිදින්න යමි .අන් අය නින්දට යනවිට මම අවදියෙන් සිටිමි . දෙවියන්වහන්සේ,මට ජීවත් වීමට තවත් සුළු කාලයක් ලබා දෙන්නේනම් මම ඉතාම චාම් ලෙස අඳින්නෙමි ,පලඳින්නෙමි. මම මගේ ශරීරය පමණක් නොව ආත්මය ද සුර්යාගේ දැඩි ආලෝකයට නිරවර්ණය වීමට ඉඩ හරිමි.

අප වයස් ගත වන විට ආදරය යන්න අප තුලින් අතුරුදන් වන බැව් සිතන අයට එය එසේ නොවේ යැයි මම කියා දෙමි.යමෙක් වයසට යන්නේ ඔවුන් වෙතින් ආදරය ගිලිහී ගිය මොහොතේ සිට පමණක් බැව් මම ඔවුනට කියා දෙමි.

මම කුඩා දරුවන්ට ඉගිලෙන්නට අත්තටු දෙන්නෙමි .එහෙත් ඔවුනට ඉගිලෙන හැටි කියා දීමට උත්සාහ නොකරමි.

ඔබ සියළු දෙනා සමග ගතකල ජීවිතය තුලින් මම බොහෝ දේ උගත්තෙමි .අප සියළු දෙනාටම අවශ්‍යව ඇත්තේ සාර්ථකතත්වය නම් ගිරි ශිකරයට ලංවීමයටයි.

එහෙත් ජීවිතයේ සැබෑ තෘප්තිය ලඟා කරගත හැක්කේ එතනට ලඟා වීමෙන් නොව එතනට යාමට අප ගමන් ගන්නා දුෂ්කර ක්‍රමවේදය හරහා බව බොහෝ දෙනෙක් නොදනිති.

අලුත බිහිවූ ළදරුවෙකු නොදැනුවත්වම සිය කුඩා අතගිලි වලින් සිය පියාගේ ඇගිල්ලක් තදින් සිරකොට අල්ලා ගන්නා විට මුළු ජීවිත කාලයම එම පියා උගුලක සිරවේ .

මිනිසෙකු අසරණ වූ විට ඒ මිනිසා දෙස බැලීමටත් ඔහු වෙත අපගේ දෑත් දිගු කිරීමටත් අපි බැදී සිටිමු .

නිරතුරුව ඔබට හැගෙන දේ( what you feel) මිසක ඔබට සිතන දේ ( what you think )ප්‍රකාශ නොකරන්න.

කෙනෙක් සදහටම අපගෙන් වෙන්ව යාමට සුදානම් යැයි මා දන්නේනම් ඔහුව හෝ ඇයව මගේ මුළු ශක්තියම යොදා වැළඳ ගනිමි.මට ඔබේ ආත්මයේ දේව දූතයා වීමට ඉඩදෙන්නැයි දෙවියන්ගෙන් ඉල්ලා සිටිමි .මම ඔබව මේ දකින්නේ ජීවිතයේ අවසන් වරට යැයි මා දන්නේනම් මම ඔබට ආදරෙයි යැයි මහා හඩින් කීමට නොපැකිළෙමි.

සෑම විටම හෙටක් කියා දෙයක් ඉතිරිව ඇත.වඩා හොඳ දේ කිරීමට හෙට දින නැවත වතාවක් අපට අවස්ථාව සැලසෙනු ඇත .එවෙනි විස්වාසයක් අප තුල නැත්තේ නම් අපට ඉතිරිවන්නේ අද පමණි.මා ඔබට කෙතරම් ආදරය කරන්නේදැයි කීම මට සතුටකි .මම කිසිදිනක ඔබ අමතක නොකරමි .ඔබ වඩාත් ආදරය කරන අයවලුන් ඔබ සමීපයේ ම තබා ගන්න.ඔබ ඔවුන්ට කොතරම් ආදරය කරන්නේද ,යන්නත් ඔවුනට පැහැදිලිව ප්‍රකාශ කරන්න.ඔවුන් හොදින් රැක බලා ගන්න
.

මට සමාවෙන්න අනේ ඔබට ස්තුති වැනි ඔබ දන්නා මිහිරි ආදරණීය වදන් සියල්ල ඔවුන් ඉදිරියේ ප්‍රකාශ කරන්න.

ඔබගේ සැගවුණු සිතිවිලි හා අභ්‍යන්තරය පිලිබදව කිසිවෙකුත් නොදනී.එතුලින් කිසිවෙක් ඔබව හදුනා නොගනී.එබැවින් ඔබගේ ආදරය ඔවුනට පැහැදිලිව ප්‍රකාශ කිරීමට දෙවියන්වහන්සේගේ ශක්තිය හා ප්‍රඥාව ඉල්ලා සිටින්න .

ඔබගේ ආදරණීය ඥාති මිත්‍රාදීන් ඔබට කෙතරම් වැදගත් දැයි ඔවුනට කියා දෙන්න.

මේ ලිපිය ඔබ ආදරය කරන සෑම සියළු දෙනෙකුම වෙතම යවන්න ඔබ එය අදම නොකරන්නේ නම් හෙට ප්‍රමාද විය හැක .එහෙත් එයට කම් නැත .

ඔබ සියළු දෙනා වෙත

ආදරයෙන්